Ýımbldon: Elena Rybakına fınaldan tys qaldy

LONDON. KAZINFORM – Qazaqstannyń birinshi, álemniń tórtinshi raketkasy Elena Rybakına Ýımbldon týrnıriniń fınalyna shyǵa almady.

Qazaqstandyq tennısshi jartylaı fınalda álemniń 32-raketkasy, chehııalyq Barbora Kreıchıkovamen betpe-bet keldi. 

Dúnıejúzilik reıtıngide kezinde 2-orynǵa deıin kóterilgen chehııalyq tennısshi 2021 jyly Rolan Garrosta úzdik shyqqan edi. Oǵan qosa juptyq synda «Úlken dýlyǵa» týrnıriniń jeti dúrkin chempıony atanǵan bolatyn. 

Qarsylastar osyǵan deıin 2021 jyly Aýstralııada Melbýrnda jáne 2022 jyly Chehııada Ostravada WTA 500 týrnırinde kezdesip, ekeýinde de tartysty jekpe-jekte Kreıchıkova kambek jasap, jeńiske jetken edi. Ostravada chehııalyq sportshy fınalda polıak qyzy Iga Shventekti utyp, chempıon atandy.

Rybakınanyń sporttyq jolyndaǵy eń iri tabysy Ýımbldonmen baılanysty ekendigi belgili. 2022 jyly fınalda týnıstik Ons Jaberdi súrindirgen Rybakına qazaqstandyqtar arasynan alǵash ret jekeleı synda jeńis tuǵyryna kóterildi. Al ótken jyly shırek fınalda dál sol O.Jaberge ese jiberdi. 

B.Kreıchıkova 28-de bolsa, qazaqstandyq tennısshi 25 jasta edi.

Bul joly Elena matchty tamasha bastady – 4:0. Kreıchıkova qaıyra breık jasaǵanymen, esepti 5:1-ge jetkizdi. Aqyry sál kidirgenimen, setti aldy – 6:3.

Ekinshi partııada esesine Barbora 5:2 esebimen alǵa ketti. Aqyry altynshy setbolyn paıdalandy – 6:3.

Úshinshi, sheshýshi sette esep 3:3 bolǵan mezette Kreıchıkova breık jasap ketti – 4:3. Aqyry matchqa dop bergende, múmkindigin jibergen joq – 6:4.

Eki saǵat 8 mınýtqa sozylǵan tartysty báseke barysynda Rybakına 8 eıspen birge 9 breık-poınttyń tek úsheýin paıdalandy. Kreıchıkova 4 eıs jasap, 6 breık-poınttyń tórteýin óz esebine jazdy. Osylaısha, chehııalyq tennısshimen matchty jaqsy bastaǵanymen, Rybakına odan úshinshi ret jeńilis tapty. 

Kreıchıkova fınalda álemniń 7-raketkasy, ıtalııalyq ıAsmın Paolınımen chempıondyq ataqty sarapqa salady. Ol jartylaı fınalda úsh saǵatqa jýyq ýaqytqa sozylǵan kezdesýde reıtıngide 37-oryndaǵy horvatııalyq Donna Vekıchti joldan taıdyrdy – 2:6, 6:4, 7:6 (10:8).

Bıyl Rolan Garrostyń shırek fınalynda E.Rybakınanyń jolyn ıA.Paolını bógegen edi.

Eske sala keteıik, budan buryn Elena Rybakınanyń Ýımbldondaǵy qarsylasynyń myqty tustary týraly aıtqanyn jazǵan bolatynbyz.