Ýılıam men Garrıdiń týysqan qaryndasy óli kúıinde tabyldy — BAQ
ASTANA. KAZINFORM – Ulybrıtanııa hanzadasy Ýılıam men Garrıdiń 20 jastaǵy týys qaryndasy Rozı Rosh óli kúıinde tabyldy. Onyń janynan atys qarýy anyqtalǵan, dep habarlaıdy Kazinform agenttigi The Sun basylymyna silteme jasap.
Rozı Rosh — hanshaıym Dıananyń aǵasynyń nemeresi — 14 shilde kúni Ýıltshır otbasynyń úıinde kóz jumdy. Ony anasy men ápkesi taýyp alǵan. Janynda atys qarýy jatqan.
Tártip saqshysy Grant Devıs polıtsııanyń «ólimge qatysty kúdik joq ekenin ári oǵan úshinshi taraptyń qatysy joq ekenin» aıtty.
Rozı Darem ýnıversıtetinde aǵylshyn ádebıeti mamandyǵy boıynsha bilim alyp júrgen.
2024 jyldyń aqpan aıynda Ýılıam men Garrıdiń taǵy bir týysy — ledı Gabrıella Kıngstonnyń jubaıy Tomas Kıngston da basynan oq jaraqatyn alyp qaza tapqan edi. Onyń janynan da atys qarýy tabylǵan bolatyn.
Buǵan deıin hanzada Garrıdiń marqum anasy — hanshaıym Dıananyń áıgili aktsııasyn qaıtalaǵany habarlanǵan.