UEM «Ózin-ózi retteý» zańy normalaryn túsindirdi
Ol óz sózinde memlekettik qyzmetterdi ózin-ózi retteý uıymdaryna tapsyrý arqyly azmattardyń sheshim qabyldaý protsesine qatysý múmkindigin keńeıtýdi kózdeıtin «100 naqty qadam» ult josparynyń 97-qadamyn iske asyrý maqsatynda «Ózin-ózi retteý týraly» Zań qabyldanǵanyn atap ótti.
«Zańmen kásipkerlik jáne kásibı qyzmetti retteýdiń jańa ınstıtýtynyń engizilip jatqanyn atap ótken mańyzdy. Zań kásipkerler men kásipqoılarǵa salany retteýge tikeleı qatysý arqyly naryqta oıyn erejeleri men talaptaryn óz betinshe aıqyndaýǵa múmkindik beredi», - dedi ol.
Onyń sózine qaraǵanda, zańmen erikti jáne mindetti múshelikke negizdelgen ózin-ózi retteýdiń eki túri anyqtalǵan. Erikti ózin-ózi retteý memlekettik retteýmen birge áreket etip, ózin-ózi retteý sýbektilerine jáne olardyń qyzmetine zańnamamen belgilengen talaptardan joǵary tártip ornatady. Al mindetti ózin-ózi retteý salalyq zańdarmen engiziledi jáne memlekettik qyzmetterdi iske asyrýmen nemese memlekettik organdarmen oryndalatyn belgili bir qyzmetterdi bólý qajettiligimen baılanysty.
«Bul rette qyzmetterdi tapsyrý naryqtyń oǵan daıyn bolýyna baılanysty. Osy maqsatta mindetti ózin-ózi retteýdi engizý qajettigin qamtamasyz etý úshin memlekettik organdarmen mindetti túrde retteýshilik yqpalǵa taldaý júrgizý eskeriledi», - dedi Ǵ.Joldybaeva.
