Údemeli ındýstrııalyq-ınnovatsııalyq baǵdarlamasyn iske asyrý jumysynda ózgerister bar
Á.Isekeshev atap kórsetkendeı, elimizdiń údemeli ındýstrııalyq-ınnovatsııalyq baǵdarlamasyn qabyldaý kezinde ónim óndirýdi arttyrý, energııalyq tıimdilik, eksporttyq áleýetti kóterý jáne qazaqstandyq kompanııalardyń ınnovatsııalyq qyzmetin jetildirý sııaqty talaptar negizge alynǵan edi.
«Búginde atalǵan talaptar Elbasy qoıǵan maqsat-mindetterge tolyǵymen jaýap bermeıdi. Sondyqtan qazirgi kezde óndirstik nátıjelerdiń naqty kórsetkishteri, árbir baǵdarlama boıynsha naqty kesteler jáne osy jobalarǵa jaýap beretin naqty adamdar bolýy qajet. Úkimet basshysynyń tapsyrmasy boıynsha bizge memlekettik baǵdarlamalar men jobalardy basqaratyn júıe - jobalyq ofısti qurý mindeti júktelgen bolatyn. Bul másele búginde sheshýshi faktorǵa aınaldy. Sebebi árbir jobanyń negizgi maqsaty naqty nátıje bolýy shart. Halyqaralyq sarapshylardyń málimetine sáıkes, jabalardy basqarý zamanýı ádistemesin qoldanýdyń arqasynda ýaqytyń 20-30 paıyzyn jáne kez kelgen ekonomıkalyq baǵdarlamalarǵa ne jobalarǵa jumsalatyn qarajattyń 15-20 paıyzyn únemdeýge múmkindik beredi. Sol sebepti biz búgin memlekettik komıssııanyń aldynda elimizdiń jobalardy basqarýdyń ulttyq júıesin talqylaýǵa jınalyp otyrmyz. Onyń ishinde jobalardy praktıkalyq turǵyda basqara alatyn kásibı mamandar máselesine basa nazar aýdarǵan jón», - dedi Á.Isekeshev.
Osy oraıda Qytaıdyń tájirıbesin mysalǵa keltirgen ol: «Qazirgi kezde Qytaıda jobalardy basqara alatyn 500 myń kásibı maman bar. Olarsyz eshbir joba memleket tarapynan qarjylandyrylmaıdy. Bizde, ókinishke oraı, ondaı mamandar az», - dedi. Jobalardy basqarýdyń ulttyq júıesiniń tujyrymdamasyn daıarlaý jónindegi jumys tobynyń jetekshisi Arman Evnıevtiń málimdeýinshe, búginde elimizde jobalardy basqara alatyn 6-aq kásibı maman bar.
