UBT-ǵa ótinish qabyldaý aıaqtaldy
ASTANA. KAZINFORM – 2025 jylǵy negizgi UBT-ǵa ótinishter qabyldaý aıaqtaldy. Testileý 16 mamyrda bastalyp, 7 shildege deıin jalǵasady. Talapkerler negizgi UBT-ny eki ret tapsyryp, eń úzdik nátıjesimen grant konkýrsyna qatysa alady.
— 216 myńǵa jýyq talapker testileýge qatysýǵa eki múmkindikti esepke alǵanda 399 myńǵa jýyq ótinish bergen (2024 jyly — 186 myńǵa jýyq talapker testileýge qatysýǵa eki múmkindikti esepke alǵanda 342 myń ótinish), — delingen
UBT-ǵa ótinish berýshilerdiń basym bóligi, atap aıtqanda, 16,5%-y «Matematıka-Fızıka», 15,6%-y «Bıologııa-Hımııa» pánder kombınatsııasyn tańdady. 9,7%-y «Matematıka-Informatıka» kombınatsııasyn tańdaǵan. Eń az tańdalǵan kombınatsııa — «Hımııa-Fızıka», ony 285 adam tapsyrýdy josparlap otyr.
Esterińizge sala ketsek, UBT-ǵa qatysý úshin talapkerler Ulttyq testileý ortalyǵynyń http://app.testcenter.kz saıty nemese UTO.kz qosymshasy arqyly ótinish bergen. Talapkerler testileý kúnin, ýaqytyn jáne pýnktin ózderi tańdady. Bul rette olar eki múmkindik úshin beıindik pánderdiń bir ǵana kombınatsııasyn belgiledi.
— Talapkerlerdiń negizgi UBT-ǵa daıyndyǵyn jaqsartý maqsatynda engizilgen ár pán boıynsha jeke taqyryptyq taldaý bar. ıAǵnı, ár UBT-dan keıin (qańtar, naýryz) túlekterge jeke taqyryptyq taldaý boıynsha bilimderin arttyrý usynylǵan bolatyn. Sonymen qatar birinshi múmkindikti tapsyrǵannan keıin olar ekinshi múmkindikke deıin daıyndyqtaryn jaqsarta alady. Odan bólek, onlaın baıqaý synaqtary iske qosylǵan. Oqý jylynyń basynda UTO saıtynda oqýlyqtar tizimi men test jospary; «Qazaqstan tarıhy» jáne «Dúnıejúzi tarıhy» pánderi boıynsha 100 tarıhı data tizimi; «Informatıka» páninen termınder tizimi; «Qazaq ádebıeti» jáne «Orys ádebıeti» boıynsha ádebı shyǵarmalar tizimi jarııalandy, — delingen habarlamada.
UBT-daǵy pánderdiń sany ózgerissiz qalady, ıaǵnı úsheýi mindetti jáne ekeýi tańdaý boıynsha. UBT tapsyrmalar sany — 120. Onyń ishinde «Qazaqstan tarıhynan» 20 tapsyrma, «Oqý saýattylyǵynan» 10 tapsyrma, «Matematıkalyq saýattylyqtan» 10 tapsyrma jáne eki beıindik pán boıynsha 40 tapsyrmadan. Joǵary ball — 140.
Testileý ýaqyty — 4 saǵat (240 mınýt). Bul rette erekshe bilim berý qajettilikteri bar balalar úshin usynylatyn qosymsha 40 mınýt ýaqyt saqtalatynyn aıta ketý kerek.
Akademııalyq adaldyqty qamtamasyz etý maqsatynda UBT-ǵa qatysýshy árbir adam jeke jasalǵan test nusqasyn alady. Emtıhan kezinde testileý baǵdarlamasynda kalkýlıator, hımııalyq elementterdiń perıodtyq júıesi jáne tuzdardyń erigishtik kestesi qoljetimdi bolady. Sonymen qatar talapkerlerge yńǵaıly bolý úshin kestelerdiń qaǵaz nusqalary da beriledi.
Mazmuny boıynsha apellıatsııaǵa ótinishti testileý aıaqtalǵannan keıin 30 mınýt ishinde berýge, al tehnıkalyq apellıatsııa boıynsha ótinishti testileý barysynda berýge bolady. Sertıfıkat apellıatsııa qaralǵannan keıin testilenýshiniń jeke kabınetinde qoljetimdi bolady.
Talapkerdiń jeke kabınetinde Respýblıkalyq apellıatsııalyq komıssııa otyrysynyń merzimi kórsetiledi. Respýblıkalyq apellıatsııalyq komıssııa otyrysy bastalǵanǵa deıin apellıatsııa ótinishin jeke kabınetinde qaıtaryp alý múmkindigi bar. Apellıatsııa ótinishin qaıtaryp alǵannan keıin sertıfıkat talapkerdiń jeke kabınetinde bir jumys kúni ishinde qoljetimdi bolady.
Shekti ball ózgerissiz qaldy: «Quqyq» jáne «Pedagogıkalyq ǵylymdar» baǵyttaryna túsý úshin keminde 75 ball, «Densaýlyq saqtaý jáne áleýmettik qamtamasyz etý (medıtsına)» úshin keminde 70 ball jınaý qajet; ulttyq JOO-ǵa túsý úshin keminde 65 ball, basqa JOO-ǵa túsý úshin keminde 50 ball jınaý qajet.
— Qaýipsizdikti qamtamasyz etý jáne buzýshylyqtardyń aldyn alý maqsatynda testileýge kire beriste tyıym salynǵan zattardy, mysaly, uıaly telefondardy, shpargalkalardy jáne t. b. alyp kirýge jol bermeý úshin qol jáne ramalyq metall izdegishter qoldanylady. Testileý aýdıtorııalarynda ruqsat etilgen magnıttik tolqyndar sheginde mobıldi jáne radıoelektrondy baılanys sıgnaldaryn basatyn qurylǵylar paıdalanylady, sondaı-aq beınebaqylaý júrgiziledi. 2025 jylǵy UBT aıaqtalǵannan keıin kúntizbelik jyldyń 31 qazanyna deıin beınejazbalarǵa taldaý júrgiziledi. Tyıym salynǵan zattardy paıdalaný nemese basqa da erejelerdi buzý faktileri anyqtalǵan jaǵdaıda talapkerdiń UBT nátıjeleri joıylady, — delingen Ǵylym jáne joǵary bilim mınıstrligi habarlamasynda.
Aıta ketelik elde repetıtor qyzmeti qansha ekenin jazǵan edik.