UBT-dan shettetilgen balalarmen psıhologter jumys isteıdi

NUR-SULTAN. QazAqparat - Ulttyq biryńǵaı testileýden shettetilgen balalarmen psıhologter jumys isteıdi. Bul týraly QR BǴM Ulttyq testileý ortalyǵy dırektorynyń orynbasary Naýjan Dıdarbekova aıtty, dep habarlaıdy QazAqparat tilshisi.

«Qazirgi ýaqytta elimizde 10 007 túlek búgin UBT tapsyrýǵa ótinish bergen. Onyń ishinde qazir elimizdiń 17 óńirindegi 77 UBT ótkizý pýnktinde testileý ótkizilip jatyr. 9-y qalalyq jerde, 68-i aýyldy eldi mekenderde ornalasqan», - dedi ol Ortalyq kommýnıkatsııalar qyzmetindegi brıfıng barysynda.

Sonymen qatar, ol test tapsyrýǵa jiberilmegen balalarmen psıhologter jumys isteıtindigin aıtty.

«Jalpy, testileýden shettetilgen balalarmen mektep psıhologteri, ata-analar, mektep muǵalimderi tıisti jumys júrgizedi. Biz de bul sharalardan tys qalyp otyrǵan joqpyz. Testten shekti ball ala almaı qalǵan balalarmen de tıisti jumystar júrgizetin bolamyz. Al dene qyzýymen kelgen balalarǵa medıtsınalyq kómek qajet bolady», - dedi Naýjan Dıdarbekova.