UBT-da joǵary ball jınaýǵa kómektesem dep ýáde etken azamattar anyqtaldy - ANTIKOR

NUR-SULTAN. QazAqparat - ANTIKOR ORTALYGY alańynda Antikor.Live jobasy barysynda QR Sybaılas jemqorlyqqa qarsy is-qımyl agenttiginiń Nur-Sultan qalasy boıynsha departamenti basshysynyń birinshi orynbasary Jazıra Jylqyshıeva UBT kezinde sybaılas jemqorlyq áreketter úshin ata-analardyń jaýapkershiligi týraly aıtty. Bul jóninde vedomstvonyń baspasóz qyzmetine silteme jasap QazAqparat habarlaıdy.

Testileýdiń ashyqtyǵy men obektıvtiligin qamtamasyz etý úshin Bilim jáne ǵylym mınıstrliginiń buıryǵymen elimizdiń barlyq aımaqtarynda jumys toby quryldy. Onyń quramyna arnaıy monıtorıng top, «Adaldyq alańy» jobalyq keńsesiniń ókilderi jáne agenttik qyzmetkerleri kirgen.

«Bul toptyń negizgi maqsaty - testileýdiń «tazalyǵyn» baqylaý. Qandaı da bir sáıkessizdikter nemese testileýdi durys tapsyrmaǵan jaǵdaılar anyqtalǵanda, olar bul týraly jaýapty tulǵalarǵa habarlaýǵa mindetti. Qazir agenttik áleýmettik jelilerde, WhatsApp messendjerlerinde ata-analar toptaryna monıtorıng uıymdastyrýda. Onyń nátıjesinde Ulttyq birynǵaı testileýden oń nátıjege qol jetkizýge járdem kórsetý boıynsha belgisiz azamattar anyqtalýda. Osyǵan baılanysty agenttik oqýshylardy tek óz bilimderine ǵana súıene otyryp, test tapsyrýǵa shaqyrady, al ata-analardy testileý qorytyndysy boıynsha oń baǵa alý maqsatynda para bergeni úshin qylmystyq jaýapkershilik jáne bas bostandyǵynan aıyrý kózdelgenin eskertedi» dep atap ótti Jazıra Jylqyshıeva.

Eger azamattar osyndaı jaǵdaıǵa tap bolsa, sybaılas jemqorlyqqa qarsy qyzmettiń 1424 call-ortalyǵyna nemese «Astana – adaldyq alańy» jobasynyń [phone] nómirine qońyraý shalý qajet.

Jalpy, agenttik Bilim jáne ǵylym mınıstrligimen birlesip, parasat pen akademııalyq adaldyq ıdeologııasyn ilgeriletý boıynsha belsendi jumys júrgizýde.

Sonymen qatar Jazıra Jylqyshıeva elordada Nur-Sultan qalalyq Sybaılas jemqorlyqqa qarsy is-qımyl departamentiniń arnaıy monıtorıng toby men «Astana – adaldyq alańy» jobasynyń músheleri Izmaılova Valentına Vasılevna, Arystanbaeva Svetlana Andreevna, Týgelbaev Jomart Maslıhatovıch, Ormanova Altynaı Asylbekovna, Magzým Arslanbek Talgatovıch, Jandıldaev Bakdaýlet Bolatovıch L.N. Gýmılev atyndaǵy Eýrazııa Ulttyq ýnıversıteti, S.Seıfýllın atyndaǵy Qazaq agrotehnıkalyq ýnıversıteti, Qazaq ekonomıka, qarjy jáne halyqaralyq saýda ýnıversıtetinde UBT-ǵa monıtorıng jumystaryna qatysqan.

Sonymen birge, monıtorıng tobynyń músheleri beınebaqylaý kameralary arqyly test tapsyrý barysyn jiti qadaǵalap otyrdy. Tártip buzý oryn alǵan jaǵdaıda oqý oryndarynyń basshylaryna dereý habarlap otyr.