Tyńaıtqyshqa sýbsıdııa alý úshin agrohımııalyq kartogrammanyń bolýy mindetteledi
«Respýblıka boıynsha tyńaıtqyshtar engizý kólemi áli de tómen. 2019 jyly 401,7 tonna tyńaıtqysh satyp alynǵan. Bul ótken jylmen salystyrǵanda 15 paıyzǵa az. Qoldaný qarqynynyń tómendeýiniń negizgi sebebi - agrohımııalyq kartogrammalardyń, ásirese ońtústik óńirlerde bolmaýy. Sondyqtan, kelesi jyldan bastap sýbsıdııa alý úshin agrohımııalyq kartogramma (topyraqtyń ósimdikter úshin sińimdi qorektik elementtermen qamtamasyz etilý dárejesin túrli-tústi kóriniste kórsetetin karta) bolýy qajettigin umytpaǵan jón. Oǵan tek bir jyl qaldy. Topyraqqa agrohımııalyq taldaý júrgizý jumystaryn jandandyrý qajet. Aýyl sharýashylyǵy taýarlaryn óndirýshiler zerthanalardyń joqtyǵyna shaǵymdanǵan bolatyn. Jańa agrohımııalyq zerthanalardyń qurylysy josparlanýda. Qazirdiń ózinde Qostanaı men Petropavl qalalarynda zamanǵa saı avtomattandyrylǵan ári jabdyqtalǵan zerthanalar iske qosyldy», - dedi Aıdarbek Saparov.
Vıtse-mınıstrdiń aıtýynsha oblys ákimdikteri osy baǵytta belsendi aqparattyq jumys júrgizýi kerek.
«Aramshóptermen ǵana emes, zııankester men aýrýlarǵa qarsy kúres te ózekti máselelerdiń biri. Der kezinde taralý oshaqtaryn anyqtaý jáne hımııalyq óńdeýler júrgizý - ónim men onyń sapasynyń edáýir tómendeýiniń aldyn alady. Jyl saıyn olarǵa qarsy kúreske orasan zor bıýdjet qarajaty bólingenimen, tıimdiligi shamaly. Máselen, ýkekireniń taralý alqaby azaımaı keledi. Ol aýyl sharýashylyǵy óndirisine aıtarlyqtaı zııan keltiredi. Bul jergilikti jerde qajetti sharalar qabyldanbaıtynyn jáne olardyń oryndalýyn baqylaý tıisti deńgeıde júzege asyrylmaıtynyn bildiredi», - dedi ol.
Vıtse-mınıstr keltirgen málimetke sáıkes búgingi kúni dándi daqyldar egisinde tat jáne septorıoz keń taralǵan. Olardyń órshýi eginniń 40 paıyz bóliginiń joǵalyp, ósimdikterdiń tolyq joıylýyna ákelýi múmkin.
«Osyǵan qaraı ózderińiz biletindeı, bıyldan bastap pestıtsıdterdiń barlyq túri sýbsıdııalanady. Bul rette gerbıtsıdterdi qospaǵanda, pestıtsıdterdi sýbsıdııalaý zııandylyqtyń ekonomıkalyq shegin eskere otyryp júzege asyrylady. Bul shara agrarshylarǵa ósimdik aýrýlary men zııankesterimen kúresý úshin qajetti fýngıtsıdter men ınsektıtsıdterdi tańdaýǵa, sondaı-aq ońtaıly merzimde óńdeý jolymen olardyń jappaı taralýynyń aldyn alýǵa múmkindik beredi», - dedi Aıdarbek Saparov.