Twitter-diń basshylyǵynan ketýim kerek pe - Ilon Masktiń kezekti saýalnamasy

ASTANA. QazAqparat – Belgili amerıkalyq kásipker Ilon Mask «Twitter-diń basshysy laýzymynan ketýim kerek pe?» degen saýalnama bastady. Ol sonyń nátıjesine saı sheshim qabyldaýǵa ýáde etti, dep habarlaıdy QazAqparat tilshisi.

«Men Twitter-diń basshysy laýazymynan ketýim kerek pe? Osy saýalnamanyń nátıjesine sáıkes sheshim qabyldaımyn», - dep jazdy Ilon Mask óziniń Twitter-degi paraqshasynda.

Ol bul saýalnamaǵa deıin óz paraqshasynda taǵy bir aqparat jarııalady. Onda kásipker aldaǵy ýaqytta «Twitter» saıasatyna úlken ózgerister engizý osyndaı saýalnamalardyń qorytyndysy negizinde iske asatynyn jazdy.

Eske sala keteıik, Ilon Mask Twitter-di 44 mıllıard dollarǵa satyp aldy. Ol Twitter-diń dırektorlar keńesin taratty.

BUU-nyń Adam quqyqtary jónindegi joǵarǵy komıssary Folker Tıýrk senbide Twitter-diń bas atqarýshy dırektory Ilon Maskqa ashyq hat joldap, osy áleýmettik medıa arnasyn basqarýda adam quqyqtaryn basty orynǵa qoıýǵa shaqyrdy.

Ilon Mask Amerıkanyń burynǵy prezıdenti Donald Tramptyń osy áleýmettik jelidegi akkaýntyn bloktan shyǵarý-shyǵarmaý jóninde saýalnama ótkizip, qorytyndysy boıynsha sheshim shyǵardy.