Tutynýshy quqyǵyn qorǵaıtyn birlestikterdiń mártebesi artýy múmkin

ASTANA. QazAqparat – Básekelestikti qorǵaý jáne damytý agenttigi tutynýshy quqyǵyn qorǵaıtyn jeke qoǵamdyq birlestikterdiń mártebesin kóterýdi usynyp otyr, dep habarlaıdy QazAqparat tilshisi.

«Tutynýshylardyń quqyǵyn qorǵaý týraly» 2010 jylǵy 4 mamyrdaǵy Qazaqstan Respýblıkasynyń Zańynda tutynýshylardyń qoǵamdyq birlestikteriniń mártebesi jáne olardyń tutynýshylardyń quqyqtaryn qorǵaý júıesindegi orny kózdelgen. Bul rette, «Qoǵamdyq birlestikter týraly» jáne «Kommertsııalyq emes uıymdar týraly» QR zańdary qoǵamdyq birlestikterdiń zańdy tulǵalar retindegi jalpy quqyqtyq jaǵdaıyn aıqyndaıdy. Alaıda, búgingi kúni tutynýshylardyń qoǵamdyq birlestikteriniń negizgi ári jalǵyz problemasy - qarjylandyrýdyń bolmaýy. Kóp jaǵdaıda qoǵamdyq negizde jumys isteıtin zeınetkerlik jáne zeınetkerlik jasqa deıingi adamdar usynatyn tutynýshylardyń qoǵamdyq birlestikteriniń jumysy kórinedi. Respýblıka boıynsha tutynýshylardyń 178 qoǵamdyq birlestigi tirkelgen. Onyń ishinde búgingi kúni 40%-ǵa jeter-jetpesi ǵana jumys istep tur», - dep másele kóterilgen Ashyq NQA portalynda jarııalaǵan konsýltatıvtik qujatta.

Agenttik bul olqylyqtyń ornyn toltyrý úshin tutynýshylardyń quqyǵyn qorǵaýmen aınalysatyn jeke uıymdardyń mártebesin arttyrý oryndy dep esepteıdi.

Búginde tutynýshylardyń qoǵamdyq birlestigine qandaı da bir azamattyń ótinishi negizinde sotqa talap-aryz joldaý quqyǵy berilgen.

Degenmen olardyń zalaldy óteý jóninde shaǵym túsirýge haqy joq.