Túrmedegi zorlyq-zombylyq: Sottalýshylardan 120 shaǵym túsken

ASTANA. QazAqparat - 2017 jyly sottalýshylar zorlyq-zombylyq kórgendikteri jóninde 120 ret shaǵymdanǵan.  Bul týraly búgin Azaptaýlarǵa qarsy ulttyq preventıvti tetikterdiń úılestirýshi keńesiniń hatshysy Sáýle Mektepbaeva aıtty, dep habarlaıdy QazAqparat.

«Mekemelerge barý kezinde biz materıaldyq jaǵdaıyna, zorlyq-zombylyq kórsetý jaıttaryna basa nazar aýdaramyz. Tirkelgen faktilerdiń barlyǵyn Bas prokýratýraǵa joldaımyz. Al búgingi maqsat baıandamany talqylaý boıynsha qoǵamdyq uıymdarmen suhbatty bastaý bolyp otyr. Aǵymdaǵy jyly birneshe márte túrmelerge bardyq. Negizinen shaǵymdardyń basym bóligi ustaý jaǵdaılaryna baılanysty boldy. Ótken jyly ombýdsmen tarapyna 120 shaǵym tústi», - dedi ol QR Іshki ister mınıstrliginde ótip jatqan jıyn barysynda. 

Onyń aıtýynsha, Birikken Ulttar Uıymyna múshe elder 4 jylda bir ret memleket ishinde zorlyq-zombylyqtyń aldyn alýǵa baǵyttalǵan sharalarǵa qatysty esep berip otyrady. Sonymen qatar memleket bul esebin azamattyq qoǵammen de talqylaý tıis.

«Azaptaýlarǵa qarsy ulttyq preventıvti tetikterdiń úılestirýshi keńesiniń bul máselege qatysty resmı esebi 26 sáýir kúni Qazaqstan Іshki ister mınıstrligine usynylady», - dedi Sáýle Mektepbaeva.

Aıta keteıik, QR Іshki ister mınıstrliginde túrmedegi zorlyq-zombylyqtyń aldyn alý boıynsha elimizde qabyldanǵan sharalardyń tórtinshi kezeńdik baıandamasyn talqylaýǵa arnalǵan jıyn ótýde.