Túrmede terrorızmdi nasıhattaǵan adam taǵy 6 jylǵa sottaldy

ASTANA. QazAqparat –ІІM qylmystyq-atqarý júıesiniń mekemesinde terrorızmdi nasıhattaý jáne dinı alaýyzdyqty qozdyrǵan azamatqa qatysty tergeý aıaqtaldy. Bul týraly QazAqparat Ulttyq qaýipsizdik komıtetine silteme jasap habarlaıdy.

«Qylmystyq mekemede alaýyzdyqty qozdyrǵan «E» esimdi azamat QR QK 174-baby jáne 256-baby 2-tarmaǵy boıynsha kináli dep tanylyp 6 jylǵa sottaldy. Bul úkimdi Aqtóbe qalasynyń №2 soty shyǵarǵan» ,- delingen habarlamada.

Aıyptalýshy adam 2015 jyldan beri ekstremıstik qylmysy úshin jazasyn ótep kelgen. Osy ýaqytqa deıin radıkaldy ıdeologııany ustanyp, ony túzeý mekemesindegi sottalǵandar arasynda nasıhattaǵan.

Sottalýshynyń kinási qylmystyq is materıaldarymen tolyq dáleldenip, sot úkimi zańdy kúshine endi.