Túrmede otyrǵandardy asyraýǵa qansha qarjy jumsalady
«Túrmede otyrǵan bir sottalýshy, kúdikti nemese aıyptyny asyraýǵa jylyna orta eseppen 789 000 teńge jumsalady. Onyń ishinde 443 000 teńgege azyq-túlik alynady. Jazasyn óteýshilerge jumsalatyn shyǵyn somasyna tamaq, dári-dármek, tósek-oryn, gıgıena quraldary, kommýnaldyq tólem jáne bostandyqqa shyqqandardyń jolpuly kiredi», - degen jaýap berildi saýalǵa.
Sondaı-aq, resmı aqparatta sottalǵandarǵa kásibı bilim berý, eńbekpen qamtý jumysy týraly aıtylǵan.
«Qylmystyq-atqarý júıesi mekemelerinde orta jáne kásiptik bilim alýǵa jaǵdaı jasalǵan. ıAǵnı túrmelerde kásibı bilim beretin 50 mektep bar, onda jylyna 1,9 myńnan astam adam túrli kásipti meńgerip shyǵady. Mamandyqtardyń arasynda aǵash ustasy, santehnık, elektr jáne gazben dánekerleýshi, tiginshi, aspaz jáne taǵy basqa. Bilim berýmen qatar qylmystyq-atqarý júıesi mekemelerinde eńbekpen qamtý da qarastyrylǵan. Jumys isteýge nıetti jáne eńbekke jaramdy jandardyń tabys tabý múmkindigi bar. Sonymen qatar bostandyqqa shyqqan jazasyn óteýshiniń qoǵamǵa qaıta beıimdelýi men jumyspen qamtylýy bizdiń nazarda. Bul baǵytta bizde arnaıy ázirlengen keshendi strategııa bar», - deıdi vedomstvodan.
Іshki ister mınıstrliginiń málimetinshe, sottalǵandardy áleýmettendirýge baǵyttalǵan 63 joba iske asyryldy.
Buǵan deıin habarlaǵanymyzdaı, elimizde jyl saıyn shamamen 15 myń adam túrmege qamalady.
Іshki ister mınıstrliginiń málimetinshe, qazir túrmelerde 28 myń adam jazasyn ótep jatyr. Sondaı-aq, jyl saıyn shamamen 6 265 adam túrmeden shyǵady.
Aıta ketsek, búginde el aýmaǵynda 79 jazasyn óteý mekemesi bar. Olar qylmys deńgeıine qaraı ishinara bólinedi.
Sonymen qatar, túrmelerde er, áıel, kámelet jasyna tolmaǵandar men juqpaly aýrýǵa ushyraǵandar bólek ustalady.
