Túrkistannan shyqqan avtosherýshiler 3 memlekettegi 7 qalany aralaıdy
TÚRKІSTANDA. KAZINFORM — Búgin «Silk Road Fest» avtosherýi bastaldy.
Túrkistannan bastalǵan avtosaıahat Ózbekstan men Qyrǵyzstanda jalǵasady. Segiz jol talǵamaıtyn avtokólikke mingen saıahatshylar 3 memlekettegi 7 qalany aralaıdy. Jalpy 8 kúnde 3000 shaqyrym jol júrmek.
Іs-sharaǵa Qazaqstan avtomoto týrızm qaýymdastyǵynyń basshysy Abdýǵalı Abdýalı jáne Ózbekstan avtomoto týrızm assotsıatsııasynyń tóraǵasy Otabek Olıjonov arnaıy kelip qatysty.
«Búgin jol júremiz. Quramymyzda Almatydan kelgen 3 kólik, Ózbekstannan 2 kólik, Kentaý men Astanadan bir kólikten bar. Bizge Ózbekstan men Qyrǵyzstannan taǵy saıahatshylar qosylady. Avtosherýdiń basty maqsaty Túrkistandy tanystyrý. Týrızdi nasıhattaý. Barshamyz birge sherýdi Ystyq kólde qorytyndylaımyz» - dedi Abdýǵalı Abdýalı.
