Túrkistanda Dostyq úıi salynyp jatyr
TÚRKІSTAN. KAZINFORM - Túrkistandaǵy Dostyq úıi bıyl kúzde paıdalanýǵa beriledi dep josparlanyp otyr.
QR Prezıdenti Ákimshiligi QHA Hatshylyǵy meńgerýshisiniń orynbasary Ǵalymjan Mahan, Qazaqstan halqy Assambleıasy tóraǵasynyń orynbasary Akbarjon Ismaılov jáne Qazaqstan halqy Assambleıasynyń Medıatsııa keńesiniń tóraǵasy Sherzod Pýlatov jumys saparymen Túrkistan oblysyna keldi.
Sapar barysynda delegatsııa músheleri Túrkistan qalasynda boı kóterip jatqan Dostyq úıiniń qurylys jumystaryn aralap kórdi. Prezıdent tapsyrmasyna sáıkes salynyp jatqan 4 qabatty ǵımarattyń qurylysy qazirgi tańda qyzý júrgizilip jatyr. Atalǵan ǵımarat bıyl kúzde paıdalanýǵa beriledi dep josparlanǵan.
Sapar aıasynda «Farab» ámbebap ǵylymı kitaphanasynda kezdesý ótti. Jıynǵa QHA janyndaǵy qurylymnyń jáne etnomádenı ortalyqtarynyń jetekshileri, Túrkistan qalasy men Saýran aýdanynyń máslıhat depýtattary, memlekettik qyzmetshiler, qoǵam belsendileri, Ardagerler, Aqsaqaldar jáne Analar keńesi tóraǵalary, bilim berý uıymdarynyń basshylary qatysty. Keleli basqosýǵa qatysýshylar etnosaralyq tatýlyqty saqtaý, qoǵamdyq kelisimdi nyǵaıtý baǵytynda oıyn ortaǵa salyp, pikir almasty.
Elordadan kelgen toptyń Túrkistan oblysyndaǵy sapary 18 qańtarǵa deıin jalǵasady. Sapar sheńberinde Kentaý qalasy men Maqtaaral, Saryǵaash, Tólebı, Saıram aýdandarynda birneshe kezdesý ótedi dep josparlanǵan.
