Túrkistanda bıiktigi 22 metrlik shyrsha ornatyldy
Túrkistan oblysynda bas shyrshanyń shamy jaǵyldy, dep habarlaıdy Kazinform.
Saltanatty sharaǵa qatysqan Túrkistan qalasynyń ákimi Nurbol Turashbekov pen Túrkistan qalalyq máslıhatynyń tóraǵasy Ǵappar Sarsenbaev, turǵyndarǵa aq tilekterin jetkizdi.
Balalar úshin arnaıy jańa jyldyq ánder shyrqalyp, ertegi keıipkerleri erekshe kóńil kúı syılady. 20 bala Aıaz atadan syılyq alyp, qýanyshqa keneldi.
Sondaı-aq, búgin oblys ortalyǵynda erekshe balalarǵa arnalǵan merekelik jıyn ótti. «Meıirimdi júrek» aktsııasy aıasynda uıymdastyrylǵan saltanatty sharada 120 bala ertegiler álemine saıahat jasap, qala ákiminiń jańa jyldyq tartýyn aldy.
Bıyl Túrkistan qalasynda jańa jyldyq shyrsha úsh jerge ornatylady. Onyń biri rýhanı-mádenı ortalyq aýmaǵynda bolsa, ekinshisi Jeńis saıabaǵyna qoıylmaq. Al, ákimshilik-iskerlik ortalyǵynda turǵan bas shyrshanyń bıiktigi 22 metrdi quraıdy.
Bir aıta keterligi, bıyl merekelik bezendirýge bıýdjetten qarjy bólingen joq. Qoldanystaǵy shyrshalar men 40-tan astam maf turǵyndarǵa merekelik kóńil-kúı syılaıtyn bolady.
