Túrkistan referendýmda Ata zańdy qoldaǵan eń belsendi oblystardyń qatarynda — Toqaev

TÚRKІSTAN. KAZINFORM –  Qasym-Jomart Toqaev referendýmǵa qatysyp, memleketimizdiń taǵdyryna beı-jaı qaramaǵan búkil el azamattaryna shynaıy rızashylyǵyn bildirdi. Bul týraly Aqordanyń baspasóz qyzmeti habarlady. 

— Referendýmǵa jurtshylyq óte belsendi qatysty, bul da qýanarlyq jaǵdaı. Osy saılaý naýqany yrysty yntymaǵymyzdy pash etti. Bul da óte mańyzdy úderis. Óıtkeni biz azamattarymyzdyń otanshyldyq rýhyn aıqyn sezindik.

Túrkistan jurtshylyǵy árdaıym eldik isten syrt qalmaı, júrgizilip jatqan reformalardy jappaı qoldap keledi. Bul joly da sizder aýyzbirshiliktiń ozyq úlgisin aıqyn kórsettińizder, — dedi Prezıdent.

Memleket basshysy Túrkistan referendýmda Ata zańdy qoldaǵan eń belsendi oblystardyń qatarynda ekenin aıtty.

— Túrkistan referendýmda Ata zańdy qoldaǵan eń belsendi oblystardyń qatarynda tur. Daýys bergen jurtshylyqtyń 92,21 paıyzy jańa Konstıtýtsııany qoldady.

Barshańyzǵa raqmet! Kıeli Túrkistanda memleketimizdiń taǵdyryna beı-jaı qaramaǵan búkil el azamattaryna shynaıy rızashylyǵymdy bildiremin, — dedi ol.

Aıta ketelik Memleket basshysy Túrkistan oblysyna jumys saparymen bardy.