Túrkistan oblysynda zańsyz altyn óndirgen top ustaldy
TÚRKІSTAN. KAZINFORM — Túrkistan oblysy Sozaq aýdanynda altyn quramdy ýchaskelerin óz betinshe ıgerýmen aınalysqan tulǵalar toby anyqtaldy.
Oblystyq prokýratýranyń málimetinshe, tekserý barysynda 12 tulǵa ruqsat qujattarynsyz, ekologııalyq zańnamany jáne óndiristik qaýipsizdik talaptaryn buza otyryp, shamamen 451 gramm altyndy zańsyz óndirgeni belgili boldy.
— Atalǵan faktiler boıynsha Qylmystyq kodekstiń 295-1-baby 1 jáne 3-bólikterinde kózdelgen quqyq buzýshylyq belgilerimen sotqa deıingi tergep-tekserý bastaldy. Kúdikti tulǵalarǵa qatysty qajetti tergeý áreketteri júrgizilip, 5 kúdiktige qatysty úıqamaq túrindegi bultartpaý sharasy qoldanyldy, — delingen prokýratýra taratqan aqparatta.
Vedomstvo ókilderi zańsyz paıdaly qazbalardy óndirý ekologııaǵa eleýli qaýip tóndiretinin, memlekettiń ekonomıkalyq qaýipsizdigine nuqsan keltiretinin jáne qylmystyq jaýaptylyqqa ákeletinin eskertedi.
Budan buryn ShQO-da eki jyl boıy zańsyz altyn óndirgender ustalǵanyn jazǵan edik.