Túrkistan oblysynda tótenshe jaǵdaı rezervine arnalǵan baza boı kóteredi
ASTANA. KAZINFORM — Túrkistan oblysynda «Rezerv» RMK-nyń «Zarıa» fılıaly aýmaǵynda kapsýla salý rásimi ótip, memlekettik materıaldyq rezervti saqtaý bazasynyń qurylysy bastaldy. Іs-sharaǵa Qazaqstan Respýblıkasynyń Tótenshe jaǵdaılar mınıstri general-leıtenant Shyńǵys Árinov qatysty. Bul týraly TJM baspasóz qyzmeti málim etti.
Fılıal Arys qalasynda ornalasqan jáne memlekettik materıaldyq rezerv saqtaý nysandaryn ornalastyrýǵa qajetti kólik ınfraqurylymyna ıe.
— Joba aıasynda zamanaýı qoıma úı-jaılaryn, ákimshilik-turmystyq korpýsty, órt sóndirý deposyn jáne ilespe ınjenerlik ınfraqurylymdy salý kózdelgen. Nysandardyń bir bóligi arnaıy saqtaý sharttaryn talap etetin materıaldyq resýrstardy saqtaýǵa arnalatyn bolady, — delingen habarlamada.
Búgingi tańda negizgi ınjenerlik izdestirý jáne daıyndyq jumystary aıaqtaldy. Jobany iske asyrý materıaldyq resýrstardy saqtaý múmkindikterin keńeıtip, memlekettik materıaldyq rezerv júıesiniń turaqtylyǵyn arttyrýǵa múmkindik beredi.
Aıta keteıik, buǵan deıin Qazaqstanda alǵash ret qutqarýshylarǵa arnalǵan resort-keshen salynyp jatqanyn jazdyq.
