Túrkistan oblysynda sýǵa batyp ketken balanyń denesi tabyldy

TÚRKІSTAN. KAZINFORM – Túrkistan oblysy Mashat aýylynda sýǵa batyp ketken balanyń denesi tabyldy. Bul týraly Tótenshe jaǵdaılar mınıstrligi baspasóz qyzmeti habarlady.

Búgin, 4 sáýirde Túrkistan oblysy Saıram aýdany Mashat eldi mekeni Mashat ózeninde júrgizilgen izdestirý-qutqarý jumystary barysynda TJM jedel qutqarý jasaǵynyń qyzmetkerleri 2024 jyly týǵan balanyń denesin tapty.

Aldyn ala málimet boıynsha, bala 31 naýryz kúni ózenge qulap ketken.

Іzdestirý jumystary birneshe kún boıy júrgizildi.

Nátıjesinde balanyń denesi oqıǵa ornynan shamamen 7 shaqyrym tómen jerden tabyldy.

Buǵan deıin Túrkistan oblysy Saıram aýdany Mashat aýylyndaǵy Mashat ózeninde sýǵa ketken 2024 jyly týǵan búldirshindi izdestirý jumystary júrip jatqanyn jazǵan edik.

Sonymen qatar Túrkistan oblysy Keles aýdanynda 2018 jyly týǵan balany izdeý boıynsha izdestirý-qutqarý jumystary júrip jatyr.