Túrkistan oblysynda ishimdikten bas tartqan aýyldar sany 60-tan asty

TÚRKІSTAN. KAZINFORM – Óńirdegi ishimdiksiz aýyldar qataryna Dermene, Tabysty, Jańajol, Nurtas, Mádenıet aýyldary qosyldy. 

Onlaın rejımde halyqqa esep bergen Túrkistan oblysy polıtsııa departamentiniń basshysy Murat Qabdenov óńirde qylmys deńgeıi azaıǵanyn jetkizdi. Máselen, oblysta ótken jyly tirkelgen qylmystyq quqyq buzýshylyq 3,2 paıyzǵa tómendegen. Urlyq — 38,7 paıyzǵa, mal urlyǵy — 43,7 paıyzǵa azaıǵan. Páter urlyǵyn jasaǵan 8, alaıaqtyq qylmystaryn jasaǵan 23, mal urlaýmen aınalysqan 16 qylmystyq top ustalǵan.

Ol sondaı-aq krımınogendik jaǵdaıdyń turaqty bolýy úshin jeke quram aldaǵy ýaqytta da jumyla iske kirisetinin jetkizdi. Odan bólek óńirde ishimdikten bas tartqan aýyldardyń da qatary artyp keledi. 

– Oblys boıynsha 61 aýyl ishimdik satýdan bas tartty. Munda quqyq buzýshylyq pen qylmystyń aldyn alý mańyzdy ról atqarady. Keıingi jyldary atalǵan aýyldarda qylmys tirkelmegen, tártip pen tynyshtyq ornaǵan. Osyndaı berekeli aýyldar ózgelerge úlgi bolýy kerek, - dedi polıtsııa generaly.

Aıta keteıik, budan buryn Shymkenttikter VIP nómirlerge 2 mlrd teńge jumsaǵanyn jazǵan bolatynbyz.