Túrkistan oblysynda «Otbasymyzben daýys beremiz!» aktsııasy ótip jatyr
TÚRKІSTAN. KAZINFORM - «Otbasymyzben daýys beremiz» aktsııasy aıasynda kópbalaly januıalar referendýmǵa qoldaý bildirip, daýys berip jatyr.
Arys, Kentaý qalalary men Jetisaı, Qazyǵurt, Keles, Maqtaaral, Ordabasy, Otyrar, Saryaǵash, Saýran, Sozaq, Túlkibas aýdandarynda el keleshegi úshin mańyzdy sheshim qabyldanar naýqanǵa qoldaý bildirip, otbasynyń barlyq músheleri daýys berýge keldi. Solardyń biri kentaýlyq Talasbaevtar otbasy. Ul-qyzy men kelinderin ertip kelgen otaǵasy kópshilikti referendýmǵa belsendi qatysýǵa shaqyrdy.
Jalpy búgingi tańda oblysta 1 mln 180 myńnan astam daýys berýshi bar. Tańǵy 07:00-den bastap 17 aýdan-qala boıynsha 945 daýys berý ýchaskesi óz jumysyn bastady. Alǵashqy daýys berýshilerge arnaıy syılyqtar tabys etildi. Máselen, Túrkistan qalasyndaǵy №133 daýys berý ýchaskesine alǵashqylardyń biri bolyp, eń jas daýys berýshi keldi. 18 jastaǵy Nesibeli Segizbaı elimizde AES qurylysynyń júrgizilýine qatysty óz tańdaýyn jasady. Sondaı-aq, ol el turǵyndaryn referendýmǵa belsendi qatysýǵa shaqyrdy.
Aıta keteıik, búgin Qazaqstan Respýblıkasynyń halqy el aýmaǵynda atom elektr stantsııasyn salýyna qatysty ortaq bir sheshimge kelmek. Osyǵan oraı, tańǵy saǵat 7:00-den bastap daýys berý ýchaskeleri óz qyzmetin bastady.
