Túrkistan oblysynda «Ońtústik Tórtqudyq» ýran óńdeý zaýyty iske qosyldy
TÚRKІSTAN. KAZINFORM - Túrkistan oblysy, Sozaq aýdanynda «KATKO» qazaqstandyq-frantsýzdyq birikken kásiporny» JShS-niń «Ońtústik Tórtqudyq» jobasy aıasynda jańa ýran óńdeý zaýyty iske qosyldy. Bul týraly oblys ákiminiń baspasóz qyzmeti habarlady.
Zaýyttyń ashylý saltanatyna Túrkistan oblysynyń ákimi Nuralhan Kósherov, Frantsııanyń Qazaqstandaǵy elshisi Sılvan Gıoge, «KATKO» kompanııasynyń bas dırektory Paskal Basten, «Qazatomprom» UAK» AQ Basqarma tóraǵasy Meıirjan ıÝsýpov, Atom energetıkasy jónindegi memlekettik agenttik tóraǵasynyń orynbasary Ǵumar Serǵazın, «Orano Mining BU» kompanııasynyń bas dırektory Kzave San-Martan Tııe jáne ózge de tulǵalar qatysty. Oblys ákimi bul jobanyń mańyzyna toqtaldy.
– «Kazatomónerkásip» Ulttyq atom kompanııasy» AQ tabıǵı ýran óndirý salasynda elimizde ǵana emes dúnıe júzinde kóshbasshy kompanııalardyń biri ekeni bárimizge belgili. Túrkistan oblysynda atalǵan kompanııaǵa qarasty 10 tabıǵı ýran óndiris orny jumys isteıdi jáne 1 kompanııa barlaý jumystarymen, 1 kompanııa elektr energııasyn tasymaldaý qyzmetin atqarady. Sonyń ishinde, búgin biz Sozaq aýdanynda «KATKO» qazaqstandyq-frantsýzdyq birikken kásiporny» JShS-niń tabıǵı ýrandy óńdeý zaýytynyń saltanatty ashylýynda turmyz. Bul joba óndiriste jáne ishki, syrtqy naryqty joǵary sapaly ýranmen qamtamasyz etedi, jańa tehnologııalardy engizý arqyly ýrandy óndirýge baǵyttalady. Investıtsııalyq jobanyń qýattylyǵy – jylyna 2000 tonna ýran óńdeý, quıylǵan ınvestıtsııa quny 74,7 mlrd. teńgeni qurady. Jańa jumys oryndary ashylǵanyn atap ótken jón. Oblys ákimdigi tarapynan atalǵan óndiris úshin 6 myń gektarǵa jýyq jer telimi bólindi jáne barlyq qajetti ınfraqurylymdarmen qamtamasyz etildi. Óndiris oryndaryn ashý baǵytyndaǵy jumystar jalǵasady, – dedi Nuralhan Kósherov.
- Ońtústik Tórtqudyq ýchaskesinde óńdeý zaýytynyń iske qosylýy tek «KATKO» úshin ǵana emes, Qazaqstannyń búkil atom ónerkásibi úshin de mańyzdy oqıǵa. Osy zaýyttyń qurylysyna tikeleı qatysqan qazaqstandyq mamandardyń kásibıligin erekshe atap ótip, frantsýz áriptesterimizdi jobanyń sátti júzege asýymen quttyqtaǵym keledi. Bul – «Qazatomónerkásip» pen «Orano» arasyndaǵy uzaq merzimdi strategııalyq seriktestiktiń nátıjesi boldy, -dedi«Qazatomprom» UAK» AQ Basqarma tóraǵasy Meıirjan ıÝsýpov.
- «Ońtústik Tórtqudyq» óńdeý zaýytynyń ashylýy – «KATKO», «Orano» jáne «Qazatomónerkásip» úshin úlken jetistik. Bul joba – bizdiń qaýipsizdikke, joǵary ekologııalyq standarttarǵa jáne tehnologııalyq ınnovatsııalarǵa berik ustanymymyzdy kórsetedi. Kúrdeli jobany ýaqtyly, qaýipsiz ári sapaly júzege asyrǵan komandamyz ben seriktesterimizdi maqtan tutamyz, - dedi «KATKO» kompanııasynyń bas dırektory Paskal Basten.
Jıynda jańa óndiris saltanatty túrde iske qosyldy. Ýran salasynda jemisti eńbek etip júrgen azamattar marapattaldy. Oblys ákimi men kompanııa basshylary, qonaqtar óndiris ornyndaǵy jańa nysandy aralap kórdi.
Qýattylyǵy jylyna 2000 tonna ýran bolatyn jańa zaýyt Ońtústik Tórtqudyq ken ornynyń ońtústik bóliginde óndirilgen, quramynda ýran bar eritindilerdi óńdeıdi. Tórtqudyqtyń ońtústik ýchaskesiniń tolyq ıntegratsııasy arqyly KATKO jylyna 4000 tonna ýran óndirý kórsetkishine qol jetkizýdi kózdep otyr.
Bul joba 2021 jyly egjeı-tegjeıli jobalyq maquldaýdan ótken. 2023 jyly jańa zaýyttyń qurylysy bastalyp, úsh jyldyq qysqa merzimde júzege asyryldy. Joba aıasynda, sonymen qatar, gıdrotehnıkalyq jeliler, asfalt jáne qıyrshyq tasty joldar, elektr jelileri, jańa transformatorlyq qosalqy stantsııa salyndy.
«Ońtústik Tórtqudyq» jobasy óńirge aıtarlyqtaı ekonomıkalyq paıda ákelip, qyzmetkerlerdiń turmys jaǵdaıyn jaqsartty. Qurylys kezeńinde jergilikti merdigerlerge qosymsha jumys oryndary ashylyp, bir ýaqytta orta eseppen 600 adam jumys istedi.
Aıta keteıik, «KATKO» – Túrkistan oblysyndaǵy eń iri jumys berýshilerdiń biri. Kompanııa 1300 adamdy jumyspen qamtamasyz etedi, olardyń 70%-dan astamy Qazaqstannyń ońtústiginde jáne 52%-dan astamy Sozaq aýdanynda turady. Kompanııa qyzmetkerleriniń 99 paıyzy Qazaqstan azamattary.
Aıta keteıik, Túrkistan oblysynda 76 shaqyrymnan astam kanal betondaldy.