Túrkistan oblysynda mal urlyǵymen aınalysqan 19 qylmystyq top ustaldy
TÚRKІSTAN. KAZINFORM — Túrkistan oblysynda ótken jyly 615 bas mal urlanyp, onyń 474 basy óz ıelerine qaıtaryldy.
Bul týraly Túrkistan oblystyq Polıtsııa departamenti habarlady.
— Polıtseılerdiń júrgizgen jedel is-sharalarynyń nátıjesinde mal urlyǵymen aınalysyp júrgen 19 qylmystyq top ustalyp, 56 adam qylmystyq jaýapkershilikke tartyldy. Olardyń 47 mal urlyǵyna qatysy bary anyqtaldy, — delingen resmı habarlamada.
Málimetterge súıensek, 2024 jyly óńirde 100-den asa mal urlyǵy tirkelgen.
Eske salsaq, taıaýda Túrkistanda QR ІІM-niń «2024-2026 jyldarǵa arnalǵan urlyqqa qarsy is-qımyl» baǵdarlamasy aıasynda quqyq buzýshylyqtardyń aldyn alý jónindegi vedomstvoaralyq komıssııa otyrysy ótti.
Jıyn barysynda malǵa en salyp, tańbalaý málimetterin tekserý úshin polıtsııa planshetteriniń veterınarııalyq qyzmet derekqorlarymen ózara is-qımyly men ıntegratsııasyn kúsheıtý máseleleri talqylanǵan bolatyn.
Budan buryn Túrkistan oblysynda zańsyz ań aýlaǵandar ustalǵanyn jazǵan edik.