16:50, 22 Qarasha 2023 | GMT +6
Túrkistan oblysynda mal urlap, turǵyndarǵa 10 mln teńge shyǵyn keltirgen adamdar ustaldy
Túrkistan oblysynda turǵyndarǵa 10 mln teńge shyǵyn keltirgender ustaldy, dep habarlaıdy Kazinform.
Qylmystyq top Qazyǵurt pen Tólebı aýdandaryndaǵy jaıylymdardan iri qara maldardy júk kóligimen alyp ketip otyrǵan. Sodan urlanǵan maldy soıyp satqan. Al tapqan paıdany ózara bóliske salǵan.
«Alty birdeı kúdikti 30-dan astam maldy qoldy etken. Jalpy turǵyndarǵa kelgen shyǵyn kólemi 10 mıllıon teńgeden asady. Aıǵaqty zat retinde kúdiktilerden GAZel júk kóligi, uıaly telefondar men sońǵy urlap bara jatqan 5 bas mal tárkilendi. Kúdiktiler ýaqytsha ustaý ızolıatoryna qamaldy. Tergeý júrip jatyr» - dedi Túrkistan oblysy polıtsııa departamentiniń krımınaldy polıtsııa basqarmasy bastyǵynyń mindetin atqarýshy Marat Abdýrahmanov.
