Túrkistan oblysynda laýazymdy tulǵalar ustaldy

Túrkistan oblysynyń prokýratýrasy Tólebı aýdany ákimdiginiń laýazymdy tulǵalaryna qatysty sotqa deıingi tergep-tekserý bastady. Olar aýdannyń arnaıy jer qoryndaǵy tartymdy jer ýchaskelerin zańsyz aktilerdi rásimdeý arqyly usynǵan dep aıyptalýda. Kazinform bul týraly oblys prokýratýrasyna silteme jasap habarlaıdy.

Atap aıtqanda, aýdannyń jer qatynastary bóliminiń basshysy óziniń qyzmet babyn paıdalana otyryp, osy bólimniń burynǵy basshysymen aldyn ala sóz baılasý arqyly 200 ga astam qunarly jer ýchaskelerin zańsyz rásimdedi dep kútiktelýde. Jer telimderiniń naryqtyq quny 326 mln teńgeni quraıtyny málim etilgen.

Túrkistan oblysy prokýratýrasynyń sotqa deıingi tergep-tekserý basqarmasy asa iri mólsherde alaıaqtyq jasady dep aıyptalyp otyrǵan kúdiktilerdi ýaqytsha ustaý ızolıatoryna qamady.

«Qazirgi tańda atalǵan qylmysqa basqa da tulǵalardyń qatystylyǵyn anyqtaýǵa baǵyttalǵan tergeý áreketteri júrgizilip jatyr», - delingen óńir prokýratýrasynyń habarlamasynda.