Túrkistan oblysynda burynǵy mektep dırektory sottaldy

TÚRKІSTAN. KAZINFORM — Qoǵamda rezonans týdyrǵan qylmystyq is boıynsha úkim shyqty.

Túrkistan oblystyq kámeletke tolmaǵandar isteri jónindegi mamandandyrylǵan soty burynǵy mektep dırektory Talǵat Kataýovty Qazaqstan Respýblıkasy Qylmystyq kodeksiniń 122-baby boıynsha kináli dep tanydy. Atalǵan bap — «On alty jasqa tolmaǵan adammen jynystyq qatynas jasaý nemese nápsiqumarlyq sıpattaǵy ózge de áreketter» boıynsha qylmystyq jaýapkershilikti kózdeıdi.

Sot úkimine sáıkes, Kataýov 2 jyl bes aı merzimge bas bostandyǵynan aıyryldy.

— Alǵashynda is Qylmystyq kodekstiń 124-babymen tergelgen. Alaıda sot protsesi ótip jatqan kezde prokýror 122-babynyń 1-bóligi, ıaǵnı on alty jasqa tolmaǵan adamǵa seksýaldyq sıpattaǵy ózge de áreketterdi jasaý qylmysy boıynsha aıyp taqty jáne osy bapqa saı sottaldy. Sottalýshynyń áreketterinde jeńildetetin de, aýyrlatatyn da mán-jaılar anyqtalmady. Úkim zańdy kúshine engen joq, — dedi oblystyq sottyń baspasóz qyzmetiniń jetekshisi Zamanbek Ismaılov.

Talǵat Kataýov — Batys Qazaqstan oblysyndaǵy bir mekteptiń burynǵy dırektory bolǵany belgili.

Aıta keteıik, budan buryn Sherzat isi boıynsha apellıatsııalyq sot qashan ótetindigin jazǵan bolatynbyz.