Túrkistan oblysynda birden 28 polıtseı jazalandy

TÚRKІSTAN. KAZINFORM — Olardyń arasynda basshylyq ókilderi de bar.

Áleýmettik jelide taraǵan aqparatqa súıensek, Túlkibas aýdandyq polıtsııa bóliminiń jáne polıtsııa departamentiniń 28 qyzmetkeri qatań sógis alyp, atqaryp otyrǵan laýazymyna sáıkes emestigi anyqtalǵan. Tipti keıbiri qyzmetinen bosatylǵan. Olardyń arasynda basshylyq ókilderi de bar.

Atalǵan jaǵdaıǵa qatysty pikir bildirgen Túrkistan oblysy polıtsııa departamentiniń baspasóz qyzmeti QR ІІM men Túrkistan oblysy polıtsııa departamentiniń basshylyǵynyń nusqaýyn oryndaý aıasynda tekserý júrgizilgendigin málimdedi. 

— Qorytyndysy boıynsha túrli qyzmettik tártipti buzǵany jáne jumystaǵy kemshilikteri úshin birqatar qyzmetkerler tártiptik jaýapkershilikke tartyldy. Jalpy polıtsııa departamenti zań buzýshylyqtardyń aldyn alý jáne jolyn kesý, sondaı-aq jeke quram arasynda qyzmettik tártip pen zańdylyqty nyǵaıtý maqsatynda tıisti sharalardy úzdiksiz atqaryp keledi, -delingen aqparatta. 

Aıta keteıik, budan buryn Túrkistan oblysynyń Keles aýdanynda bilim bóliminiń bıýdjetin talan-tarajǵa salǵandarǵa qatysty sot úkimi shyqqanyn jazǵan bolatynbyz.