Túrkistan oblysynda bıyl modýldi lagerler jumys isteıdi
TÚRKІSTAN. KAZINFORM — Bıyl Túrkistan oblysynda alǵash ret 5 modýldi jazǵy lager iske qosylady. Bul týraly Túrkistan oblysynyń Óńirlik kommýnıkatsııalar qyzmeti málimdedi.
Óńirdiń 5 aýdanyndaǵy jazǵy saýyqtyrý lagerlerinde 54 modýldik jatyn bólme, 2 ashana, 4 ájethana ornatylady. Bul bastama — lagerlerdegi oryn tapshylyǵyn sheshýge baǵyttalǵan. Máselen, «Tólebı Nury», «Taý shyńy», «Balaýsa», «Taý barysy» jáne «Baldáýren» lagerlerine ornatylatyn modýlder bir aýysymda 1 myńnan astam balany qabyldaıdy. Jalpy jazǵy maýsymda bul lagerlerde 10 myńǵa jýyq bala demalady dep josparlanyp otyr.
Sondaı-aq, oblystaǵy jazǵy saýyqtyrý keshenderinde aǵymdaǵy jóndeý jumystary qarqyndy júrgizilip jatyr. Osy rette, óńirdegi «Samal» jazǵy saýyqtyrý lageri 20 jyldan beri alǵash ret kúrdeli jóndeýden ótti. Jalpy Túrkistan oblysynda bıyl 41 myńnan astam bala 31 jazǵy saýyqtyrý lagerlerinde demalady.
Balalarǵa arnalǵan bul demalys tek tynyǵý emes, tulǵalyq, shyǵarmashylyq jáne rýhanı damýǵa baǵyttalǵan mańyzdy kezeń. Osyǵan oraı, lagerlerde ár kúnge josparlanǵan oıyn-saýyq, mádenı-sporttyq is-sharalar uıymdastyrylady. Aıta keteıik, 1 maýsymnan bastap Túrkistan oblysynyń balalaryna jazǵy saýyqtyrý kezeńi bastalady.
Eske sala keteıik, buǵan deıin mınıstrlik bıyl 92% oqýshy lagermen qamtylatynyn málimdegenin jazǵan bolatynbyz.