Túrkistan oblysynda polıtsııa kún raıyna baılanysty kúsheıtilgen qyzmetke kóshti
TÚRKІSTAN. KAZINFORM – Qazirgi tańda Almaty-Tashkent-Termez halyqaralyq avtojoly jabyq.
Túrkistan oblysy aýmaǵynda qalyń qar jaýyp, taýly aımaqtarynda aq tútek boran bolýda. Sonyń saldarynan qala men aýyldar arasyn jalǵaıtyn joldar jabylyp jatyr. Keshegi kúnnen bastap oblystyń tártip saqshylary da kúsheıtilgen jumys tártibine kóshti. Jol apattaryn boldyrmaý men turǵyndardyń qaýipsizdigin qamtamasyz etý maqsatynda polıtsııa qyzmetkerleri respýblıkalyq jáne oblystyq mańyzy bar joldarda táýlik boıy qyzmet atqarýda.
«Túnnen beri oblystyń basym aýmaqtarynda qar jaýyp, sońy qatty jelge ulasty. «Samara – Shymkent» M-32 respýblıkalyq mańyzy bar jolynyń 2055-1802 shaqyrymyndaǵy ýchaskesinde qozǵalys shekteldi. Al, túngi ýaqyttan bastap sol jolda 22 tehnıka jumys istep, qardan tazartty. Qazirgi tańda atalǵan aımaqtaǵy jol ashyq. Polıtseıler júrgizýshilerge jaǵdaıdy túsindirip, joldan ótkizýde. Qazirgi tańda Túlkibas aýdany Shaqpaq baba men Jambyl oblysynyń shekarasyndaǵy respýblıkalyq mańyzy bar Almaty-Tashkent-Termez halyqaralyq avtojoly jabyq. Osyǵan baılanysty oblys turǵyndaryn asa qajet bolmasa jolǵa shyqpaýlaryn suranamyz!» - dedi Túrkistan oblystyq polıtsııa departamentiniń ákimshilik polıtsııa basqarmasynyń bastyǵy Almashan Tastanbekov.
