Túrkistanda 9-synyp oqýshysyn synyptasy uryp óltirdi
TÚRKІSTAN. KAZINFORM – Oqıǵa 3 qarasha kúni Túrkistan qalasynyń shetindegi zırattardyń birinde bolǵan.
Túrkistan oblysy polıtsııa departamentiniń habarlaýynsha, qazirgi tańda oqýshynyń ólimi boıynsha sotqa deıingi tergeý júrgizilip jatyr.
- Oqıǵa ornyna barǵan jedel-tergeý toby barlyq qajetti sharalardy júrgizdi. Aldyn ala málimet boıynsha, 9-synyp oqýshysyn synyptasy keýde tusynan urǵan. Soqqy alǵan oqýshy sol jerde qaıtys bolǵan. Jedel-izdestirý is-sharalarynyń nátıjesinde polıtseıler kúdiktini, sondaı-aq oqıǵaǵa qatysqandardyń báriniń izin sýytpaı ustady, - delingen oblystyq polıtsııa departamentiniń resmı málimdemesinde.
Sondaı-aq jasóspirimderdiń zańdy ókilderi balalardy tárbıeleý jónindegi mindetin oryndamaǵany úshin jaýapqa tartyldy.
Ákimdik janyndaǵy kámeletke tolmaǵandar isteri jáne olardyń quqyǵyn qorǵaý jónindegi komıssııaǵa tıisti usynys engizildi.
Budan buryn Túrkistan oblysynda polıtseı para aldy degen kúdikpen ustalǵanyn jazǵan edik.