Túrkistan oblysynda 80 myńǵa jýyq kóshet otyrǵyzyldy
TÚRKІSTAN.KAZINFORM-Kóshetterdiń ishinde terek, qaraǵash, úıińki, arsha, sırııalyq raýshan, shaǵan syndy jergilikti klımatqa beıimdelgen aǵashtar bar.
Oblysqa qarasty 17 aýdan, qalanyń saıabaqtary men gúlzarlaryna, sonymen qatar eldi mekenderdiń arasyndaǵy jol jıekterine, mektepter men ortalyq kóshelerge túrli aǵashtardyń kóshetteri otyrǵyzyldy. Іs sharaǵa qala ákimdikteriniń qyzmetkerleri, zııaly qaýym ókilderi, ardagerler men jastar, jergilikti turǵyndar belsene qatysty.
Máselen, Maqtaaralda 5 myńnan asa kóshet egildi. Onyń ishinde 4500 dana qaraaǵash, 200 dana sırııa raýshany, 250 dana sabyn aǵashy jáne 600 dana legýstrým bar.
Kentaý qalasynda da 5 000 kóshet egildi.
Olardy aldaǵy ýaqytta mektep oqýshylary sýaryp, baptap júretin bolady. Mundaǵy maqsat – jastardy tabıǵatty aıalaýǵa shaqyrý.
Kóppen birge kóshet otyrǵyzǵan Ordabasy aýdanynyń ákimi Azat Oralbaev bul bastamanyń máni zor ekenin, kógaldandyrý jumystary aı kóleminde júrgiziletindigin jetkizdi. Sondaı-aq árbir turǵyn óziniń aýlasyn, tipti aýdan aýmaǵyn jasyl jelekpen kómkerýge úles qosýy tıis ekenin tilge tıek etti.
Tólebı aýdanynda Naýryznamanyń altynshy kúni - Jańarý kúni qarsańynda 27 myńǵa jýyq kóshet egilip jatyr.
