Túrkistan oblysynda 4 jyl buryn joǵalǵan qyz tabyldy

TÚRKІSTAN. KAZINFORM-Túrkistan oblysynyń polıtseıleri 4 jyl buryn joǵalyp ketken qyzdy taýyp, anasymen qaýyshtyrdy.

Түркістан облысында 4 жыл бұрын жоғалған қыз табылды
Фото: Түркістан облысы ПД

Polıtsııa qyzmetkerleri boıjetkendi Almaty qalasyndaǵy tamaqtaný oryndarynyń birinde jumys istep júrgen jerinen tapqan. Búginde onyń 4 jyl boıy qaıda júrgenin anyqtaý sharalary júrgizilip jatyr.

- 2021 jyldyń jaz aıynda jergilikti turǵyn polıtsııaǵa 16 jastaǵy qyzynyń joǵalǵanyn aıtyp, aryzdanǵan. Aqparat alysymen tártip saqshylary barlyq qajetti tergeý áreketin jasaǵanymen, nátıje bolmady. Degenmen, birneshe jyl ótse de turǵynnyń aryzy negizinde izdeý isi jalǵasyp otyrdy. Polıtseıler atalǵan jaıt boıynsha muqııat tergeý júrgizip, oqıǵanyń tolyq mán-jaıyn anyqtaıtyn bolady, - delingen Túrkistan oblysy polıtsııa departamentiniń baspasóz qyzmeti usynǵan aqparatta.

Al, habar-osharsyz ketken qyzymen 4 jyldan soń qaıta qaýyshqan anasy tártip saqshylaryna rızashylyǵyn bildirip, alǵys aıtty.

- Qyzymnan habarsyz qalyp, nendeı jaǵdaıda ekenin bile almaı júrgen kúnder artta qaldy. Kóp raqmet sizderge. Arasynda ózderińizge de senimsizdik bildirgen edim, búgin mine úmitim aqtalyp otyr, - dedi ol.

Aıta keteıik, budan buryn Túrkistan oblysynda gaz ballony jarylyp, 6 adam zardap shekkenin jazǵan bolatynbyz.

Сейчас читают