Túrkistan oblysynda 3 jasar qyz tabylmaı jatyr

TÚRKІSTAN. KAZINFORM – Saryaǵash aýdandyq polıtsııa bólimine aryzdanǵan jergilikti turǵyn úıdiń janynda oınap júrgen kishkentaı qyzynyń kózden tasa bolǵanyn jetkizgen.

Qazir joǵalǵan búldirshindi izdeýge tótenshe jaǵdaılar departamentiniń qyzmetkerleri, qutqarýshylar, ákimdik qyzmetkerleri men eriktiler jáne jergilikti turǵyndar tartyldy.

Sondaı-aq, polıtsııa bóliminiń barlyq jeke quramy jumyldyryldy.

Іzdeýshiler jaqyn mańdaǵy aýmaqtardy, qaraýsyz qalǵan ǵımarattardy, kanal jaǵalaýlaryn jáne búldirshin bara alatyn basqa da baǵyttar boıynsha jan-jaqty tekserý jumystaryn júrgizip jatyr.

«Eger balanyń júrgen jeri týraly aqparat bilseńiz, 102 jedel jelisine habarlasýyńyzdy suraımyz» delingen Túrkistan oblysy polıtsııa departamentiniń baspasóz qyzmeti usynǵan aqparatta.

Balasynyń qalaı joǵalǵanyn ata-anasy aıtyp berdi.