Túrkistan oblysynda 260 tonna maqta janyp ketti
TÚRKІSTAN. KAZINFORM — Túrkistan oblysy Otyrar aýdanynda maqta zaýytynan órt shyqty.
— 2025 jyly 14 jeltoqsan kúni saǵat 03:57–de Otyrar aýdany, Temir aýylynda maqta pýnktiniń ashyq aýmaǵynda aýdany 360 sharshy metr aýmaqta jınalǵan maqta jandy. Jalpy salmaǵy — 260 tonna. Qoımada jalpy 4500 tonna maqta saqtalǵan. Órt sóndirýshiler 4240 tonna maqtanyń janýyna jol bermedi. Órt saǵat 06:54–te tolyq sóndirildi. Zardap shekkender joq. Oqıǵanyń shyǵý sebebi anyqtalyp jatyr, — delingen oblystyq Tótenshe jaǵdaılar departamenti taratqan aqparatta.
Oqıǵa ornynda Tótenshe jaǵdaılar departamentinen — 30 jeke quram, 7 tehnıka, aýyl qutqarýshylarynan — 3 adam, 1 tehnıka, orman sharýashylyǵynan — 3 adam, 1 tehnıka jáne jergilikti atqarýshy organnan — 15 adam, 4 sý tasýshy tehnıka jumyldyryldy.
Budan buryn Túrkistan qalasyndaǵy munaı bazasynan órt shyqqanyn jazǵan edik.