Túrkistan oblysynda 102 adam týberkýlez juqtyrǵan

TÚRKІSTAN. KAZINFORM — Koh taıaqshasy balalar arasynda kóbeıgen.

Ótken jyly óńirde 516 adamnan týberkýlez anyqtalǵan. Al balalar arasynda 41 jaǵdaı tirkelip, kórsetkish 4,7 paıyzǵa ósken. Onyń ishinde 21 bala 15 jasqa tolmaǵan bolsa, 19 bala 15-17 jas aralyǵyndaǵy jetkinshekter.

Jalpy, joǵary aýrýshańdyq Arys qalasy men Túlkibas, Báıdibek, Maqtaaral, Saýran jáne Jetisaı aýdany ósken. Eki aı ishinde flıýorografııalyq tekserýden ótken 7000 jýyq turǵynnyń arasynan týberkýlez juqtyrǵan 8 naýqas anyqtalǵan. 

— Bir qýanarlyǵy, týberkýlezdiń asqynǵan túri tirkelmedi. Bıylǵy jyldyń 24 aqpany men 24 naýryz aralyǵynda Dúnıejúzilik týberkýlezge qarsy kúres boıynsha aılyq bastaldy. Túrkistan oblysy sanıtarııalyq-epıdemıologııalyq baqylaý departamentiniń uıymdastyrýymen týberkýlez aýrýynyń aldyn alý boıynsha qoldanystaǵy normatıvtik aktilerge sáıkes epıdemıologııalyq is sharalary qatań baqylaýǵa alynyp, turǵyndar arasynda sanıtarlyq aǵartý jumystary keń kólemde nasıhattalýda, — dedi Túrkistan oblysynyń sanıtarııalyq-epıdemıologııalyq baqylaý departamentiniń basshysy Nurbek Nyshanov.

Aıta keteıik, budan buryn Almatyda 20 myńǵa jýyq adam tumaý jáne JRVI juqtyrǵanyn jazǵan bolatynbyz.