Túrkistan oblysy ákiminiń jańa orynbasary taǵaıyndaldy
TÚRKІSTAN. KAZINFORM – Qazaqstan Respýblıkasy Prezıdenti Ákimshiliginiń kelisimimen, merıtokratııa qaǵıdatymen oblys ákiminiń orynbasary laýazymyna Qaıypbek Qanat Ábdirazaquly taǵaıyndaldy.
Túrkistan oblysynyń ákimi Nuralhan Kósherov oblys aktıvine jańa orynbasaryn tanystyryp, óńirdi damytý baǵytynda mańyzdy mindetter júktelip otyrǵanyn aıtty. Aldaǵy jumysyna sáttilik tiledi.
Qaıypbek Qanat 1984 jyly Túrkistan oblysy Tólebı aýdanynda týǵan. Bilimi – joǵary. T.Rysqulov atyndaǵy Qazaq ekonomıkalyq ýnıversıtetin bitirgen.
Eńbek jolyn 2005 jyly Shymkent qalasyndaǵy Ońtústik Qazaqstan oblysynyń ekonomıka jáne bıýdjettik josparlaý departamentiniń kóshirý-kóbeıtý tehnıkalar bóliminiń meńgerýshisi bolyp bastaǵan. 2005-2009 jyldary osy departamenttiń syrtqy ekonomıkalyq baılanystar bóliminiń bas mamanynyń m.a., syrtqy ekonomıkalyq baılanystar bóliminiń bas mamany, sondaı-aq atalǵan departamenttiń jıyntyq-saraptamalyq bóliminiń bas mamany bolǵan. 2009-2013 jyldary Ońtústik Qazaqstan oblysynyń ekonomıka jáne bıýdjettik josparlaý basqarmasynyń aqparattyq tehnologııalar bóliminiń basshysy, aýyldyq aýmaqtardy damytý bóliminiń basshysy laýazymyn atqarǵan. 2013-2018 jyldary Ońtústik Qazaqstan oblysynyń ekonomıka jáne bıýdjettik josparlaý basqarmasy basshysynyń orynbasary qyzmetin atqarǵan.
2018-2019 jyldary Túrkistan oblysynyń ekonomıka jáne bıýdjettik josparlaý basqarmasy basshysynyń orynbasary, 2019-2020 jyly Túrkistan oblysynyń strategııa jáne ekonomıkalyq damý basqarmasy basshysynyń orynbasary, 2020-2021 jyldary Shymkent qalasy qurylys basqarmasy basshysynyń orynbasary bolǵan. 2021 jyldan beri Túrkistan oblysynyń ekonomıka jáne bıýdjettik josparlaý basqarmasy basshysy qyzmetin atqaryp keldi.
Qaıypbek Qanat oblys ákiminiń orynbasary retinde Kásipkerlik jáne saýda, Memlekettik satyp alý, Qarjy jáne memlekettik aktıvter, Ekonomıka jáne bıýdjettik josparlaý basqarmalarynyń jumystaryna jetekshilik etedi.
Túrkistan oblysy ákiminiń orynbasary ózine artylǵan senim úshin alǵysyn bildirip, osyǵan deıin jınaǵan bilimi men tájirıbesin oblysty damytýǵa jumsaýǵa daıyn ekenin jetkizdi.
Budan buryn Túrkistan oblysynyń turǵyndary ákimge óńirde qalyptasqan eń mańyzdy degen máselelerdi jetkizkenin jazǵan edik.