Túrkistan qalasy ákiminiń orynbasary taǵaıyndaldy
TÚRKІSTAN. KAZINFORM — Túrkistan qalasy ákimi Ázimbek Pazylbekulynyń ókimimen Madııar Álipov Túrkistan qalasy ákiminiń orynbasary laýazymyna taǵaıyndaldy.
Madııar Baqtybaıuly Álipov 1987 jyly 4 mamyrda Túrkistan qalasynda dúnıege kelgen. Bilimi — joǵary. Ol — memlekettik qyzmet salasynda 18 jyldan astam eńbek ótili bar tájirıbeli maman.
Eńbek jolyn Shymkent qalasynyń jumyspen qamtý jáne áleýmettik baǵdarlamalar basqarmasynda maman bolyp bastaǵan. Ár jyldary Túrkistan oblysynyń qoǵamdyq damý basqarmasynda bólim basshysy, basqarma basshysynyń orynbasary, Túrkistan oblysy ákimi apparatynyń uıymdastyrý-ınspektorlyq bóliminiń basshysy, Saıram aýdany ákiminiń orynbasary qyzmetterin atqarǵan.
Osyǵan deıin Túrkistan oblysy ákimi apparatynyń qoǵamdyq-saıası monıtorıng bóliminiń basshysy boldy.
Jańa qyzmetinde Madııar Baqtybaıuly Túrkistan qalasy ákimdigi qurylymyndaǵy ishki saıasat, mádenıet jáne sport, jumyspen qamtý jáne áleýmettik baǵdarlamalar, bilim salalaryna jetekshilik etedi.
Qala ákimi Ázimbek Pazylbekuly jańadan taǵaıyndalǵan orynbasaryn ujymǵa tanystyryp, atalǵan baǵyttardyń qala úshin strategııalyq mańyzy zor ári jaýapty salalar ekenin atap ótti.
Sonymen qatar, júktelgen mindetterdiń mańyzdylyǵyn eskere otyryp, orynbasarynyń kásibı biliktiligi men basqarýshylyq tájirıbesine senim bildirdi jáne aldaǵy jumysyna sáttilik tiledi.
Budan buryn Túrkistan oblysynyń Bilim basqarmasyna jańa basshy taǵaıyndalǵanyn jazǵan edik.