Túrkistan áýejaıyna 14,3 mıllıon teńge aıyppul salyndy

ASTANA. KAZINFORM — Túrkistan halyqaralyq áýejaıyna kelisimderdiń mánine qatysy joq qosymsha mindettemelerdi tańý belgileri boıynsha tergep-tekserý taǵaıyndaldy. 

Básekelestikti qorǵaý jáne damytý agenttiginiń Túrkistan oblysy boıynsha departamenti avıaotyndy bólshek saýdada ótkizý taýar naryǵyndaǵy básekelestik jaǵdaıyna taldaý júrgizdi.

Taldaý nátıjeleri boıynsha Kásipkerlik kodeksiniń 174-baby 4) tarmaqshasyn buzý belgileri anyqtaldy.

Osyǵan baılanysty Túrkistan halyqaralyq áýejaıyna kelisimderdiń mánine qatysy joq qosymsha mindettemelerdi tańý belgileri boıynsha tergep-tekserý taǵaıyndaldy.

Tergep-tekserý barysynda «Túrkistan halyqaralyq áýejaıy» AQ tıisti naryqta ústem jaǵdaıǵa ıe bola otyryp, avıaotyndy bólshek saýdada ótkizetin kásipkerlik sýbektisinen áýejaı aýmaǵynda ótkizý quqyǵy úshin alym óndirgeni anyqtaldy. Atalǵan áreketterden departament Kásipkerlik kodekstiń 174-baby 4) tarmaqshasynda kózdelgen buzýshylyqtardy anyqtady.

— Túrkistan qalasynyń Ákimshilik quqyq buzýshylyqtar jónindegi mamandandyrylǵan aýdanaralyq sotynyń qaýlysymen «Túrkistan halyqaralyq áýejaıy» AQ Ákimshilik quqyq buzýshylyq týraly kodeksiniń 159-baby 3-1-bóligi boıynsha ákimshilik jaýapkershilikke tartylyp, 14,3 mıllıon teńge mólsherinde ákimshilik aıyppul salyndy, — delingen habarlamada.

Aıta ketelik Semeı áýejaıy avıaotyn baǵasyn negizsiz kótergeni úshin jaýapqa tartylǵan edi.