Túrikmenstanda 500 adamǵa arnalǵan 30 kelilik shujyq shyǵaryldy

AShHABAD. KAZINFORM - «Täze Aý» kompanııasy Túrikmenstan ónerkásipshileri men kásipkerleri odaǵynyń 17 jyldyǵyna arnalǵan kórmede jańa ónim – sıyr men taýyq etinen jasalǵan 30 kelilik Aşgabat shujyǵyn usyndy, deb habarlaıdy «Bıznes Týrkmenıstan» portaly.

- Osyndaı bir shujyq 500 adamǵa arnalǵan. Ónim áli satylymǵa shyqqan joq, biraq tapsyrys boıynsha, negizinen meıramhanalar men úılený toılaryna arnalǵan, -  delingen kompanııanyń áleýmettik jelidegi paraqshasynda.

Et kombınatynda sanıtarlyq-gıgıenalyq normalar, sonyń ishinde et pen et ónimderine halal talaptary qatań saqtalǵan.

Kásiporyn kún saıyn óndiris kólemin ulǵaıtyp, jańa ónimderdi únemi engizip otyrady. Qazirgi tańda kásiporynda taýyq eti men jumyrtqa ónimderin qosqanda 500-ge jýyq azyq-túlik ónimderiniń túri shyǵarylady.

Ótken jyly kásipker Begench Orazov et jáne shujyq ónimderin, sondaı-aq jartylaı fabrıkattardy óndirýge den qoıǵan «Täze Aý» jańa óndiris keshenin iske qosqan edi.

Eske sala keteıik, bıyl Jańaózen - Túrikmenstan joly orta jóndeýden ótedi.