Túrkııanyń shyǵysyndaǵy kúre joldardyń birinde qar kóshkini júrdi

NUR-SULTAN. QazAqparat - Túrkııanyń shyǵysyndaǵy Van-Bahchısaraı tas joly qar kóshkini saldarynan jabyldy, dep habarlaıdy QazAqparat Anadoly agenttigine silteme jasap.

Kúre joldy tolassyz jaýǵan qalyń qar basyp qalǵan. Buǵan qosa uıytqyp boran soqqan. Al marshrýttyń 25-shi shaqyrymynda qar kóshkini júrgen. Tas jol qaýipsizdik maqsatynda jabyldy.

Kólik qyzmetiniń brıgadalary jol ýchaskesin tazalaýǵa kiristi, alaıda aýa raıynyń qolaısyzdyǵyna baılanysty jumys toqtatyldy.