Túrkııanyń eki birdeı teńizinde jer silkinisi boldy

ANKARA. QazAqparat – Túrkııada birden eki teńizde 4 baldyq jer silkinisi tirkeldi, dep habarlaıdy QazAqparat Anadoly agenttigine silteme jasap.

Túrkııa úkimeti janyndaǵy tótenshe jaǵdaılardyń aldyn alý men saldaryn joıý basqarmasynyń (AFAD) habarlaýynsha, jer asty dúmpýi Egeı jáne Mármár teńizderinde tirkelgen.

Egeı teńizinde bolǵan jer silkinisiniń oshaǵy Datcha qalasynan 39 shaqyrym jerde, teńiz betinen 29 shaqyrym tereńdikte ornalasqan.

Al Mármár teńizinde tirkelgen silkinis oshaǵy Sharkoı qalasynan 6 shaqyrym jerde, sý betinen 7 kılometr tereńdikte ornalasqan.

Eki aýdan gýbernatorlarynyń aıtýynsha, eldi mekenderde jer asty dúmpýleri qatty sezilmegen.

Birinshi tekseris nátıjesi boıynsha adamdar turyp jatqan jerge eshqandaı zaqym kelmegen.

Qurbandar men zardap shekkender týraly aqparat túspedi.