Túrkııanyń shyǵysynda jer silkindi
Túrkııanyń Malatıa qalasynda Rıhter shkalasy boıynsha 4,8 baldyq zilzala tirkeldi, dep habarlaıdy Kazinform.
Túrkııa úkimeti janyndaǵy tótenshe jaǵdaılardyń aldyn alý jáne saldaryn joıý basqarmasynyń (AFAD) habarlaýynsha, jerasty dúmpýi 7 shaqyrym tereńdikte tirkelgen. Zilzala epıtsentri Malatıa qalasynyń Akchadag aýdanynda ornalasqan.
Osy aımaqta turatyn keı azamattar jer silkingennen keıin úılerinen shyǵyp, túndi kóshede ótkizgen. Olar jylyný úshin ot jaǵyp, sháı ishken.
Bıyl aqpanda eldiń ońtústik-shyǵysynda bolǵan zilzaladan keıin adamdar qatty qorqyp qalǵan. Mamandardyń sózinshe, azamattar birinshi ret jer silkingennen keıin onyń qaıtalanýyn kóshede kútýi qajet eken. Eger sol kezde adamdar úıine qaıta kirip ketpegende qurbandar men zardap shekkender sany aıtarlyqtaı az bolatynyn atap ótken.
Bul jaǵdaıda turǵyndar zardap shekpedi. Qurbandar men búlingen ǵımarattar týraly aqparat kelip túsken joq. Soǵan qaramastan aýdanda jedel jáne qutqarý qyzmeti kezekshilikte tur.
