Túrkııadaǵy jer silkinisinen qaza tapqandar sany 1014 adamǵa jetti

ANKARA.QazAqparat - Túrkııanyń ońtústik-shyǵysyndaǵy Kahramanmarash provıntsııasynda bolǵan jer silkinisi qurbandarynyń sany 1000-nan asty, keminde jeti myń adam jaralandy. Bul týraly Túrkııa úkimeti janyndaǵy Tótenshe jaǵdaılardyń aldyn alý jáne zardaptaryn joıý basqarmasy (AFAD) málim etti, dep habarlaıdy QazAqparat Anadoly agenttigine silteme jasap.

AFAD keltirgen málimet boıynsha, Túrkııanyń ońtústik-shyǵysynda bir táýlikte jeti baldan asatyn eki jer silkinisi boldy (jergilikti ýaqyt boıynsha 04.17-de – 7,7 ball jáne 13.24-te – 7,6 ball). Túrkııanyń on provıntsııasynda sońǵy málimetter boıynsha 1014 adam qaza taýyp, 7003 adam zardap shekti.

Basqarmanyń málimetinshe, Kahramanmarash, Kılıs, Dııarbakyr, Adana, Osmanıe, Gazıantep, Shanlyýrfa, Adııaman, Malatııa jáne Hataı provıntsııalarynda 2824 ǵımarat qıraǵan.

Jer silkinisiniń qaıtalanýynan qaýiptengen Túrkııa bıligi turǵyndardy úılerine qaıtpaýǵa shaqyrdy.

Foto: aa.com.tr