Túrkııadaǵy Van kóli tartylyp barady

ANKARA. QazAqparat – Túrkııanyń shyǵysynda jahandyq jylyný yqpalynan Van kólindegi sý deńgeıi tómendep jatyr. Sý deńgeıiniń tómendeýine jaýyn-shashynnyń azdyǵy men býlaný sııaqty faktorlar áser etip jatyr, dep habarlaıdy QazAqparat ANADOLU agenttigine silteme jasap.

Kóldiń taıazdanýyna baılanysty myńdaǵan jyl boıy sý túbinde paıda bolǵan mıkrobıalıtterge qaýip tóne bastady. Keıbir jerlerdegi sý astyndaǵy shógindiler jaǵalaýdan anyq kórinedi. Bul qubylys Erchısh, Gevash pen Edremıt aýdandaryndaǵy jaǵalaýda serýendeýshiler men fotograftardyń qyzyǵýshylyǵyn týdyryp otyr.

Sarapshylardyń pikirinshe, Van kóliniń túbinde bıiktigi 32,2 metr bolatyn iri mıkrobıalıt bar. Olar ýaqyt óte kele sý betine kóterilgen shógindiler jel men aýa raıynyń keri áserinen joıylyp ketýi yqtımal dep paıymdaıdy.

«Sońǵy 10 jylda Van kóliniń aýdany shamamen 140 santımetrge azaıdy. Mundaı qubylys 1950 jyldardan keıin de baıqalǵan. Qurǵaqshylyqtan keıin jaýyndy kezeń bolady dep úmittenemiz», - deıdi Sý máseleleri jónindegi memlekettik basqarma ókili Aıhan Shahna.

Foto: www.aa.com.tr