Túrkııadaǵy týrnırde qazaqstandyq jeńil atletter tórt medal enshiledi

NUR-SULTAN. QazAqparat - Jeńil atletıkadan Qazaqstan quramasy Túrkııada halyqaralyq týrnırge qatysty, dep habarlaıdy QazAqparat Olympic.kz-ke silteme jasap.

Jarys nátıjesi boıynsha Rımma Kashafýtdınova (100 m) men Adelına Ahmetova (400 m) top jardy. Dıana Núsipbekova men Vıtalıı Zevs (200 m) kúmis júldegerler qatarynan kórindi. Sondaı-aq, Vıacheslav Zevs (400 m) pen Vladıslav Grıgorev (100 m) baıraqty básekeni tórtinshi orynmen aıaqtady.