Túrkııadaǵy Aııa-Sofııa meshitine kelýshiler sany rekordtyq kórsetkishke jetti
Jergilikti jáne sheteldik týrıster úshin Aııa-Sofııa meshiti - Túrkııanyń eń tanymal jerleriniń biri bolyp sanalady. 1985 jyly tarıhı oryn ıÝNESKO-nyń búkilálemdik muralar tizimine engizildi.
1453 jyly Ystanbuldy jaýlap alǵanǵa deıin Túrkııanyń áıgili jeri 916 jyl boıy shirkeý qyzmetin atqardy. Osydan keıin 1934 jylǵa deıin ol musylman meshiti bolyp sanaldy, al kelesi 86 jyl ishinde 2020 jylǵa deıin ol adamdar úshin murajaı retinde ashyldy.
2020 jyldyń 10 shildesinde túrik soty Aııa-Sofııany murajaı dep sanaǵan sol jyldardaǵy Mınıstrler kabınetiniń buryn qabyldaǵan ókiminiń kúshin joıdy. Ǵımarat burynǵy maqsatyna qaıtarylyp, sol jyldyń 24 shildesinde Túrkııa prezıdenti R. Erdoǵan pandemııaǵa qaramastan, júzdegen dindar musylmanmen meshittiń ishinde namaz oqydy.
Ystanbul múftıiniń orynbasary Ahmet Aktıýrkoglýnyń aıtýynsha, ǵımarat mártebesiniń murajaıdan meshitke aýysýy – Islam tarıhyndaǵy óte mańyzdy oqıǵa. Ǵajaıyp ǵımarat kóptegen dindarlar men týrısterdi qyzyqtyrǵan, al Qurban aıt merekesi kezinde kelýshiler erekshe qyzyǵýshylyq tanytqan.
«Álemniń kóptegen qasıetti oryndary sııaqty, Aııa-Sofııa da kelýshiler tarapynan suranysqa ıe. Ol, ásirese qulshylyq etý úshin qaıta ashylǵannan keıin jergilikti jáne sheteldik týrısterdiń nazaryn aýdardy. Ashylǵannan keıingi ekinshi jyly meshit 6,5 mıllıonnan astam adamdy qabyldady, al eldegi uzaq demalys kezinde kún saıyn 120 myńnan astam adam Aııa-Sofııaǵa kelgen. Belgili bolǵandaı, álemniń túkpir-túkpirinen adamdar meshitke tań namazyna barady», - dep atap ótti ol.