Karate: Túrkııadaǵy týrnırde Ásel Qanaı qola júlde aldy

ASTANA. KAZINFORM - Túrkııanyń Antalıa qalasynda WKF karateden Karate1 Premier League - Antalya týrnırinde Ásel Qanaı qola júldeger atandy.

Qazaqstandyq sportshy 61 kelige deıingi salmaq dárejesinde baq synady. Ol qola júlde úshin talasta frantsııalyq Lea Avazerıdi 4:2 esebimen esebimen tize búktirdi.

Eske salsaq, atalǵan jarysqa 60 elden úzdik 400-ge jýyq sportshy qatysyp, baq synap jatyr. 

Halyqaralyq týrnırde endi taǵy eki qazaqstandyq sportshy qola medal úshin talasady. El quramasynan (75 kelide saıysqa túsip jatqan Ábilmansur Batyrǵalı jáne Nurqanat Ájiqanov qola medaldi sarapqa salady.

Al 50 keli salmaqta Móldir Jańbyrbaı altynǵa talasýǵa múmkindik aldy. Ol budan buryn Azııa oıyndary men birinshiliginiń kúmis júldegeri, 2023 jylǵy álem chempıony atanǵan.