Túrkııadaǵy orman órtteri tolyqtaı aýyzdyqtaldy

ASTANA. KAZINFORM – Túrkııanyń birqatar aımaqtarynda bolǵan orman órtteri sóndirildi. Alaıda aýa temperatýrasynyń joǵary bolýyna baılanysty órt qaýpi áli de saqtalyp otyr, dep habarlady Kazinform agenttiginiń menshikti tilshisi.

Túrkııanyń aýyl jáne orman sharýashylyǵy mınıstri Ibragım ıÝmaklynyń aıtýynsha, Izmır, Manısa jáne Bıledjık provıntsııalarynyń keıbir aýdandarynda shyqqan orman órtteri tolyq baqylaýǵa alyndy.

Onyń sózinshe, órt sóndirý qyzmetteri, eriktiler men jergilikti bılik ókilderiniń úılesimdi jumysynyń arqasynda órt oshaqtaryn aýyzdyqtap, jalynnyń ári qaraı taralýynyń aldyn alý múmkin boldy.

Mınıstrlik jaǵdaıdy baqylaýdy jalǵastyryp, qajet bolǵan jaǵdaıda jedel áreket etýge daıyn ekenin málimdedi.

ıÝmakly sondaı-aq órt sóndirýge qatysyp, zardap shekken óńirlerge kómek kórsetken barlyq azamattarǵa alǵysyn bildirdi.

Buǵan deıin Túrkııanyń soltústik-batysynda aýqymdy orman órtteri bastalǵany habarlanǵan edi. Birneshe kún ishinde 150-den astam órt oqıǵasy tirkelgen.

Keıinirek orman órti Izmır qalasynyń shetine jetip, bılik 455 otbasyn evakýatsııalaýǵa jáne Adnan Menderes atyndaǵy halyqaralyq áýejaıdy ýaqytsha jabýǵa májbúr boldy.