Túrkııanyń soltústik-batysyndaǵy orman órti kólik qatynasyna kedergi keltirdi
ASTANA. KAZINFORM — Túrkııanyń soltústik-batysyndaǵy orman órtteri eldiń kólik ınfraqurylymynda eleýli irkilisterge ákeldi, dep habarlaıdy Kazinform agenttiginiń menshikti tilshisi.
Ottyń jyldam taralýyna baılanysty túrik bıligi strategııalyq mańyzdy Dardanell buǵazyndaǵy keme qatynasyn ýaqytsha toqtatyp, portty qala – Chanakkaledegi áýejaı jumysyn da ýaqytsha japty.
Órt Chanakkale provıntsııasynda tutanyp, birneshe saǵat ishinde orman alqaptaryn sharpyp, eldi mekenderge, ınfraqurylym nysandaryna jáne jaǵalaý aımaǵyna jaqyndady. Órttiń taralýyna joǵary temperatýra, qýańshylyq jáne sekýndyna 60-70 shaqyrymǵa deıin jetetin qatty jel sebep boldy.
Egeı teńizi men Mármár teńizin jalǵaıtyn Dardanell buǵazy keme qozǵalysyna jabyldy. Bul sheshim áýe arqyly órt sóndirý qaýipsizdigin qamtamasyz etý úshin qabyldandy – ushaqtar men tikushaqtar tikeleı buǵazdan sý alady. Belgili bolǵandaı, Dardanell – Eýropa men Azııany baılanystyratyn mańyzdy teńiz joly, onyń jabylýy keme qatynasy men logıstıkada kidirister týǵyzdy.
Qalyń tútin men ottyń qaýipti jaqyndyǵyna baılanysty Chanakkale áýejaıy da ýaqytsha jabyldy. Bul áýejaı aımaqtyq reısterdi ǵana emes, shuǵyl evakýatsııa men kómek jetkizý úshin de paıdalanylady. Barlyq kommertsııalyq jáne jeke reıster toqtatyldy nemese kórshi óńirlerge baǵyttaldy.
Túrkııanyń aýyl jáne orman sharýashylyǵy mınıstrligi keshe bastalǵan órtterdiń qazirgi jaǵdaıy týraly jańartylǵan aqparat jarııalady.
Tolyǵymen baqylaýǵa alynǵan órt oshaqtary:
Chanakkale / Ezıne
Edırne / Enez
Hataı / ıAıladagy
Manısa / Shehzadeler
Edáýir dárejede baqylaýǵa alynǵan:
Bolý / Mýdýrný
Kahramanmarash / Geksýn
Chanakkale / Aıvadjık
Izmır / Dıkılı
Áli de jalǵasyp jatqan órtter:
Manısa / Somdıý
Chanakkale / Merzek
Sońǵy málimet boıynsha, 2 myńnan astam adam evakýatsııalanǵan. Órtti sóndirýge áýeden jáne jerden júzdegen adam men ondaǵan tehnıka, sonyń ishinde avıatsııa tartylǵan.
Buǵan deıin habarlanǵandaı, sońǵy kúnderi Túrkııanyń birqatar óńirinde tutanǵan orman órtterimen kúres jalǵasyp jatyr.